Сэр Чарльз Спенсер «Чарли» Чаплин
25 желтоқсан 1977 Швейцарияда дүниеден озды.
Әйгілі ағылшын киноактері, сценарист, композитор және режиссер, киноматографияның әмбебап шебері.
(Жазып алған Сая Қызылбаева)
Мен өзімді сүйе бастағанда, басқа өмірге талпыну әрекетін қойдым. Осы өмірде мені қоршаған дүниенің барлығы «Адам» ретінде өсуіме итермелейтінін түсіндім. Қазір мен мұны «Кемелдену» деп білемін.
Мен өзімді сүйе бастағанда, кез-келген жағдайда дұрыс сәт пен дәл уақытта керек жерде тұрғанымды білемін. Сондықтан да менің жан дүнием тыныштық күйінде. Мен қазір мұны «Өзіме толық сенушілік» деп айта аламын.
Мен өзімді сүйе бастағанда, өз уақытымды алатын алып бір жобалар жасаудан бас тарттым. Қазіргі таңда өзімнің жүрегіме шуақты қуаныш күй әкелетін іспен айналысамын. Мен әр затты өзімнің әдісіммен, өзімнің ырғағыммен істеймін. Қазір мен мұны «Ақ пейілділік» деп түсінемін.
Мен өзімді сүйе бастағанда, өз денсаулығыма зиян әкелетін астан, арсыз адамдардан, қажетсіз заттардан, жағдайлардан өз өмірімді босаттым. Мені үнемі құрдымға әкетіп бара жатқан нәрселер мен өз-өзімнен алыстататын бәлекеттерден аулақ бола бастадым. Басында мен оны толық эгоизм деп атаушы едім, кейін «Өз-өзіңе деген махаббат» деп түсіндім.
Мен өзімді сүйе бастағанда, үнемі дұрыс болудан бас тарттым. Содан бастап аз қателіктер істейтін болдым. Енді мен мұны «Кішіпейілділік» деп ұғамын.
Мен өзімді сүйе бастағанда, өткенмен өмір сүруді және болашақтың қамын жеуін тоқтаттым. Күн сайын нақ осы шақпен ғана өмір сүруді үйрендім. Мен мұны «Өмірді жүзеге асыру» деп танимын.
Мен өзімді сүйе бастағанда, ақылымның мені уайымға итермеп тұратынын түсіндім, сондықтан да ол ауруға шалдығуы мүмкін еді. Бірақ ақыл мен жүректі табыстырғанда, ақылым теңдесіз серіктесіме айналды. Бүгінгі таңда бұл өзара байналысты «Жүректің даналығы» деп білемін.
Қазіргі таңда бізге өз ішімізде болсын, өзгемен болсын әртүрлі даулар мен қақтығыстардан қорқудың қажеті шамалы. Тіпті алып жұлдыздардың соқтығығысуынан жаңа әлемдер пайда болады. Қазір мен оны түсіндім. Ол – «Өмір».
Әйел кез-келген еркекті миллиардер қыла алады.
Даусыз өмірдің сәні жоқ. Өмірдегі барлық зат пікірталасқа шақырады.
Кім ешқашан бала болмаса, сол ешқашанда ересек болмас.
Сәбилер мен жануарлар – киноның ең жақсы актерлары.
Мен пілдерді жек көремін. Сондай алып, сондай жуас.
Естен шығып кеткен естеліктерді жазудан артық жеңіл іс болмас.
Жалғыздық алыстатады. Жалғыздық мұңмен аралас. Басқалардың қызығушылығы мен көңілін аудармайды. Әрбір жан өз жалғыздығынан ұялады.
Ойлау білу қасиеті – скрипка немесе роялда ойнай білуі өнерімен пара-пар. Оған да күнделікті тәжірибелер керек.
Байлыққа деген махаббат өмірдегі ең қасіретті әдет.
Бір рет адам өлтірсең қанышер дейді, мың адам өлтірсең – батыр дейді.
Маған комедия түсіру үшін тек қана саяжай, полицей және сұлу қыз керек.
Күлкі мен жастың - жеккөрініш пен қорқыныштың уын қайтаратындай күші барына нық сенемін.
Мен кедейшілікте ешқандай тартымды әрі өнегелі ой барын көрмедім. Ол мені ештеңеге үйретпеді, тек өмір құндылықтарының бейнесін бұрмалады.
Лебіз қалдыру
